PARIKAN

PARIKAN

Parikan inggih menika tetembung utawi unen-unen ingkang kedadosan saking kalih ukara ingkang dhapukanipun mawi purwakanthi guru swara, saben sak ukara dumadi saking 2 gatra, ukara kapisan minangka purwaka, dene ukara kaping kalih minangka waosipun.

Tuladha : Tawon madu, ngisep sekar
Dadi guru, kudu sabar

Parikan miturut cacahipun wanda saged kapareng dados tiga, inggih menika :

1.     (4 wanda + 4 wanda) x 2

Tuladha :

a.     Iwak bandeng, durung payu
Priya ngganteng, sugih ilmu

b.     Wajik klethik, gula jawa
Luwih becik, sing prasaja

c.      Wedang bubuk, tanpa gula
Aja ngamuk, enggal tuwa

2.     (4 wanda + 8 wanda) x 2

Tuladha :

a.     Kembang kencur, ganda sedhep sandhing sumur
Kudu jujur, yen koe kepengen luhur

b.     Cengkir wungu, wungune ketiban ndaru
Watak guru, kudu sabar momot-mengku

c.      Kembang mlathi, warna peni ngganda wangi
Watak putri, kudu gemi lan nastiti

3.     (8 wanda + 8 wanda) x 2

Tuladha :

a.     Gawe cao nangka sabrang, kurang setrup kurang banyu
Aja awatak gumampang, ingatase calon guru

b.     Sega punar lawuh empal, segane panganten anyar
Dadi murid aja nakal, kudu ulah ati sabar.